Meri Kahani

---------Aarz Kiya Hai---------------

Suno OO Mere Yaaro Dosto
Yeh Hai Meri Kahaani,
Rakh Diya Hai Dil Haath Mein Apna
Apni Hi Zubaani ...

Karta Raha Mein Baatien Unshe
Din Dopeher Aur Raat,
Jane Aisa Kya Tha Unme
Jo Ki Humne Itni Baat ...

Anjana Tha Yeh Jaha
Aur Tha Mein Baigana,
Jane Aisa Kya Dekha
Jo Ho Gaya Mein Deewana ...

Chodh Diya Tha Padhna Sona
Ban Gaya Tha Anjana,
Karunga age Kya Mein Yaaro
Yeh Maine Naa Jana ...

Karte The Hum Pyar Unshe
To Kiya Humne Ikraar,
Ulti Padi Yeh Lathi Humari
Aur Ho Gayi Takraar ...

Lakh Ki Humne toh Koshish
Magar Mili Hume Haar,
Kyuki Kambaqt Kehti Thi Hume
Tu Toh Hai Humara Yaar ...

Kar Diya Inkar Unhone
Tod Diya Mera Dil,
Nahi Karunga Pyar Mein Abse
Bas Yahi Hai Meri Manzil ...

Kehti Thi Woh Muskura ke
Tum Ho sabse Pyare,
Magar Baat Kuch Jami Nahi
Yeh To Kehte Hai Sare ...

Roi Bhagi Daudi Chillai
Mangi Humse Maafi,
Maine Kaha Khuda Se
Ab Bas Yahi Tha Kaafi ...

Ab Nahi Hai Pass Mere
Woh Pyar Jo Tha Ek Pyar,
Woh Sirf Hai Ab Yaar Meri
Aur Mein Uska Yaar....

Chanda Tare Aur Sitaare
Sab Humne Nihare,
Chandni Roshni Aur Jawaani
Hum Toh Sabse hare ...

Suraj Tha Hoon Aur Rahunga
Kehta Hai Yeh Maan,
Lo Ban Gaya Mein Wapas Yaaro
Wahi Purana Shayar Darshan ...

------------DaRsHaN---------------
-----------Dec-12-2008-------------